Apple Daily: 隔牆有耳：肥馬叻女做校長 - 李八方

Jul 4 2009

前局長肥馬早前為正生學生而哭，原來佢個女對細路仔都好有愛心。大女馬露明（Christine）成立JEMS教育中心噚日開幕，專為6至12歲細路提供課餘嘅道德、社交觀念教育，希望佢哋可以有更全面嘅人格發展。 身為創辦人兼校長嘅Christine話，開辦教育中心係多年夢想，由設計課室到課程安排都有份參與，下個星期正式開班後仲會親自做導師。佢以前一直做開教師工作，發現好多需要輔導嘅學生都係由於有不愉快童年經歷所致，所以決心加強德行教育。Christine嘅媽咪同細妹噚日都有到場支持，肥馬則身在外地嚟唔到，馬家大千金話爹哋一直都好支持其辦學理念。